شرح فارم ال Job Temple lvl 105 من الالف للياء

هانشرح النهاردة فارم تيمبل الحرامى و الصياد من الالف للياء بالصور خطوة خطوة
الموضوع مش صعب ولا حاجة بس طويل ف مش ضرورى نركز قوى
الخطوات

1. زى الشطار هانشترى لبس لينا من هنا

هانلبس لبس ال Thief or Hunter

2. نتوجه للبوابة المخصصة لينا.. الهانتر يدخل من فوق و الثيف من تحت .. زى اللى ف الصورة.

3. نتجه الى ال NPC بتاعنا و ادى الصور

ده بتاع الصيادين

وده بتاع الحرامية

4. ناخد بقى الكويستات؟؟ ولا حد له رأى تانى
تعالوا نشوف بالصور الكويستات اللى هاناخدها
و انصحكم ماتاخدوش غير اللى انا معلم عليهم... الباقيين مالهومش لازمة فى رأيى لان فيهم مشاكل

دى كويستات الصيادين

الشرح :-
كويست 1 :- ده hunting .. بتقتل 100 وحش.. مش اى وحش.. وحوش معينة فى مكان معين -هانشوف المكان ده بالصور بعدين ماتستعجلوش- و علشان كده المكان ده بيبقى مليان KS الكويست الواحد من ده بيدى 700 SP و 100 AP.
SP يعنى سكيلات اما ال AP دى بقى هاشرحها فى الاخر بعد ماخلص الكويستات كلها
كويست 2 :- بتلم 50 drops و ده بيقعلك من اى وحوش تموتها جوة التيمبل -مش شرط وحوش معينة زى اللى قبله- و لو انت لوحدك مش فى بارتى... هايقعلك كويست من كل وحش .. يعنى ال 50 وحش يدوك 50 drop و تسلمهم و تاخد 700 SP زى الكويست اللى قبله و 100 AP .
كويست 3 :- بتلم 100 المرة دى مش 50 و برده بيقعوا من اى وحوش فى التيمبل و الخ الخ الخ بس بيدى AP 200 مش 100 .
كويست 4 :- ده بيطلب منك انك تقتل 20 حرامى لفلهم يكون قريب من لفلك__طبعا 20 حرامى مش كتير بس كما تدين تدان يا قطقوط__ و بيدى 700 SP و 500 AP

و دى كويستات الحرامية

الشرح
كويست 1 :- ده برده hunting .... بتقتل 100 من وحوش معينة فى مكان معين الخ الخ و المكان زحمة الخ الخ.
كويست 2 :- فكك منه ...عامل زى رقم 1 اللى فات بس وحوشه مكانها بعيد... و هما 700 SP برده .. ف مالهاش لازمة البهدلة فيه غيره.
كويست 3 :- بيطلب منك تلم 50 drop بينزلوا من 50 وحش لو قتلتهم لوحدك لكن لو فى بارتى الوضع يختلف.. و بيديك700 SP و 100 AP.
كويست 4 :- بتلم 100 Drops ونفس الرغى بتاع اخوه اللى زيه فى الصيادين..200 AP و 700 SP
كويست 5 :- مطلوب منك تقتل 20 صياد قريبين من لفلك و بيديك 700 SP و 500 AP

كده خلص شرح الكويستات

تعالوا نعرف ايه هى ال AP دى و لازمتها ايه

كل الAP اللى الحرامية بياخدوها من عمايل الكويستات السابقة بتتجمع على بعضها و الجيم بتسجلها
و كذلك الحال للصيادين... علشان فى الاخر صاحب اعلى نقاط AP هما اللى يقدروا يدخلوا غرف التيمبل المغلقة اللى فيها يونيكات بتاعت التيمبل ده و اللى قبل كده كان الكل بيتهافت عليها لانها كانت بتوقع ايتيمات ال Immortality / Destruction اللى كانت بتدى D12 Legend .. الكلام ده راحت عليه خلاص
تعالوا نشوف بالصور احسن

دى بتوضح نافذة ال AP بتتفتح ازاى و فيها ايه النافذة دى و مين جايب نقاط اعلى ( الصيادين ولا الحرامية ) و معاد الدخول امتى

و ادى اماكن اليونيكات المقفول عليهم بالضبة و المفتاح

و أدى مواعيدهم
4:00 am
5:30 am
7:00 am
5:30 pm
8:00 pm
9:30 pm
خلصنا من النقطة دى

كل ده و لسا ماعرفناش هانعمل الكويستات فين

تعالوا نشوف بالصور

ده للصيادين

المنطقة رقم 1 دى اللى فيها كويست رقم واحد للصيادين

ودى صورة الوحوش اللى فيها

ودى للحرامية

المنطقة رقم 1 دى اللى فيها كويست رقم واحد للحرامية

و دى صورة الوحوش اياها

مافاضلش غير حاجة واحدة
انى اقولكوا السلام عليكم

ارجو ان يضاف رابط الموضوع لفهرس الكويستات المثبت
اى استفسار ...اكتبوه و انا هارد ان شاء الله .
الموضوع من مجهودى الشخصى...ف ياريت اللى عاوز ينقله يستأذن
تم بحمد الله رب العالمين.

» شرح بيلد ال Wizard / Cleric من الالف للياء
» دليلك الشامل عن[فارم الأونج]