أنواع اللبس، وطرق السوكت، وتغيير أشكال اللبس

صباح الفل ياشباب ،،،

أيون طبعا كل حاجه فيها مجانية مافيش فيها حاجه بفلوس الا حاجات قليلة ومش مهمة اوي يعنى
عندنا في أيون كمية لبس وتصميمات للبس غير طبيعية وممكن تلاقي في الليفل الواحد
اكتر من 16 طقم مختلفة أشكالهم ومميزاتهم ونفس الكلام في الأسلحة

* مواصفات اللبس أو السلاح وإمكانية التبادل :

عندنا 3 مواصفات في اللبس والأسلحة وهم :

1- لبس نقدر تبيعه مثلا او تديه لحد تاني وغالبا بيكون مش حلو او ضعيف.

2- الأيتم اللى مكتوب عليه الـ Soul Bound Item ، دا تقدر تتصرف فيه وتبيعه قبل ماتلبسة،
لأن لو لبسته مش هينفع تبيعه لحد .. أخرك تبيعه للأن بي سي، ودا بيكون احسن من العادي ولبس جامد .

3- تالت نوع هو نوع لا تقدر تبيعه قبل ولا بعد ماتلبسة ودا بتاخده من كويستات او بتشتريه بكوينز في اللعبه، وبيكون أجمد لبس بصفة عامة.

* أنواع اللبس أو السلاح :

1- أيتم أبيض - بيجي من الأن بي سي أو بينزل دروب من المونسترات - بيكون مفتوح فيه سلوت واحد للسوكت - ايتم هباب

2- أيتم أخضر - بيجي من الأن بي سي (بكوينز) او دروب - شغال شوية - بيكون مفتوح فيه مكانين للسوكت وتحط له ماناستون.

3- أيتم أزرق - بيجي من الأن بي سي (بكوينز) أو دروب - احسن من الاخضر - بيكون مفتوح فيه 3 اماكن للسوكت .

4- أيتم دهبي - بيجي من الأن بي سي بكوينز وأبيس بوينتس وله طرق كتير - بيكون مفتوح فيه 4 اماكن للسوكت.

5- أيتم برتقالي - أجمد انواع اللبس والاسلحة في اللعبة وبتيجي من ليفل 53+ ، وإسمه في اللعبه Eternal
وبتقدر تصنعها من الكرافتنج دا لو انت ماستر يعنى معاك 500+ نقطة ، او بتشتريها بـأبيس بوينتس
أو كوينز وبتيجي دروب برضو

والأنواع دي كلها مقسومة 2 وهم PVE - PVP
نبدأ بلبس الـ PVE :

سهل شوية انك تجيبه وبتجيبه من البروكر او بكوينز ومن كويستات البطولة.
وتختلف جودة اللبس حسب نوع الكلاس بتاعك كالتالي

1 - Sorcerer :
Concenteration يكون زيادة ، عشان وقت تحميل الاسكيل بتاعك لما يجي حد يضربك وتتكنسل ضربتك
Negative Enmity Boost يعنى عدائية بالسالب عشان لما تكون في جروب المونسترات ماتجريش وراك وتضربك انت
Magic Boost عشان يزود الماجيك بتاعك
السوكتنج كالتالي :
تحط له Manastone: Magic boost علي كل اللبس والسلاح بتوعك

2- Spirit Master :
اللبس بتاع الشاب دا بقي زي اللى فوق بالظبط بس بدل ماتختار اللبس اللى فيه
أعلى Magic Boost اختار اللبس اللى فيه أعلى Magic Accuracy
السوكتنج كالتالي :
تحطله Manastone: Magical Acc علي 3 قطع والباقي Magic Boost

3- Gladiator :
المعلم دا بقي .. تختارله كالتالي :
Attack Speed عشان تنجز في الضربات وتختارله أعلي ديفنس
Positive Enmity boost يعنى عدائية بالموجب عشان المونسترات ماتسيبكش وتروح للسورسر أو الرانجر ويتقال عليك نوب وتتشتم
وقت السوكتنج حط Manastone: attack علي كل اللبس معادا قطعتين حط عليهم Critical manastone

4- Templar :
البرنس دا معاه شيلد وتختار اللبس زي الـ Gladiator بس مع اختلاف
والسوكتنج كالتالي :
بتحط علي الشيلد Block manastone ومابتستخدمش Critical Manastone
يعنى كل لبسك وسلاحك حط فيه Attack manastone

5- Ranger :
Negative Enmity boost عشان انت بتضرب من بعيد فشخ ولو المونسترات قفشتك هتعلم عليك
Attack Speed عشان لازم تكون سريع وإلا هيتقال عليك نوب
Critical أساسي لان ضرباتك كلها معتمدة علي الكريتيكال
السوكتنج وزع كالتالي :
Critical Manastone علي كل اللبس معادا 3 قطع حط عليهم Attack

6- Assassin :
زي الرانجر في اللبس
السوكتنج كالتالي :
حط علي كل لبسك Attack manastone
ويفضل انك تحط علي قطعة واحدة Critical Manastone

7- Cleric :
Healing Boost عشان تنجز في الهيلنج والجروب مايموتش منك
Negative EnmityBoost عشان مايتحطش عليك
Magical Boost عشان لما تكون بتلعب لوحدك .. تقدر تضرب بكفاءة
السوكتنج كالتالي :
Magical boost علي 4 أيتمات والباقي حط عليه Healing Boost

8- Chanter :
زي الكليرك بس انت بتضرب فيزيكال
السوكتنج كالتالي :
Attack Manastone علي كلو معادا حتتين حط عليهم Critical Manastone

وبكدا تقدر تسد في الـ PVE

* لبس الـ PVP
بيتجاب بطريقتين فقط :

1- الأكاديمية ، وبتجمع Crucible Insgina + Curage Insgina عشان تقدر تشتريه
ودا في ليفل 55+ فقط

2- Abyss Points وتقدر تشتري بيها من أول ليفل 30

طبعا لبس البي في بي كل ماكان فيه PVP Attack أو PVP DEF زيادة كل ماكان أحسن

بالنسبة للسوكتنج زي اللى فوق بس هتحط Magic Resist علي 2 أيتم واحدة للـ
Sorcerer - Spiritmaster - Cleric
و تحط منها علي 1 أيتم بالنسبة للـ
Ranger - Assassin
وتحط علي 3 أيتمات للـ
Templar - Gladiator - Chanter

الـ OutFits - Avatars :
موجودة في كل مكان وسهلة انك تجيبها ورخيصة وكتير فشخ بس في انواع منها شكلها جامد جداً
ودي بتبقي مستخبية في تصميم معين وسط مئات التصميمات في اسكيل التصنيع ،
أو مكان بعيد في اللعبه يبقي واقف هناك أن بي سي بيبيعه وهكذا.

ولازم عشان تلبس الأفاتار دا تروح لأن بي سي في مدينة Sanctum وإسمه Laokones يعملهولك Remodel علي الطقم أو السلاح اللى انت لابسه .
خطوات الـ Remodel

بتحط اللبس الأصلي بتاعك فوق في المكان اللى مكتوب جنبه 1

وتحط الـ Outfit لبس أو سلاح من نوع تاني شكله عاجبك مثلا تحطه تحت في المكان اللى مكتوب جنبه 2

عرفنا أنواع السلاح واللبس وعرفنا ازاي نغير شكلهم ، فيه بعض ناس بتفضل حاجات تانيه في السوكتنج
ودي حاجه ترجعلهم وترجع لطريقة لعبهم وكل ماتكون فاهم الكلاس بتاعك وعارف بتلعب ازاي كل ماهتظبط في
السوكتنج بتاعك إنما بالنسبة للي انا كاتبه في الموضوع لطرق السوكتنج دا الأفضل واللى أغلب الناس بتعمله

تمـ بحمد الله ،،،
غير منقول ولا مترجم ولا اي حاجه ، كله من دماغي والله .